لحلقه الرابعه من حكايتى مع الزمان

المهم لما وقعت عينى على الاقصى اعدت ابكى وابكى لغايه لما \موعى ملات الدنيا حوالبيا وافتكرت حرب 48 اللى ىاحت فيها القدس انا صحيح لم احضرها ولكن جدى محمد باشا الكبير هو اللى حضرها وحكى لى عن بطولاته فيها اصل انا نسيت اقول لكم ان جدى محمد باشا كان زعيم كبير اوى وكان دايما بيقول لى ان فيلم الارض بيفكره بشبابه وكان زميل سعد باشا فى ثوره 1919 وشارك فى حرب اليمن وتحرير الجزائر ولا بلاش احكى لكم عنه لحسن تقولوا عليا نخاع وابو لمعه

المهم قلت للريس انا مش هقدر اكمل انا هارجع على بلدى ورجعت ماشى ومشيت ناخيه البحر الابيض واتجهت ناحيه بلدنا ومشين على البحر سرحان ارض تشيلنى وارض تنزلنى لغايه لما وصلت لبلد مكتوب عليها بالايطالى هنا العريش وطبعا انا لبلب فى الايطالى واعر كمان 7 لعات اصل انا نسيت اقول لكم ان امى اساسا من ساعه لما سابت اختها اسمهان وراحت عاشت فى اوروبا اتعلمت كل لغات العالم وانا كنت فى بطنها وكنت باسمعها واتعلمت منها المهم الشمس لسعتنى رحت قلت لنفسى انزل ياواد خد لك غطس فى البحر وطبعا انا واد عوييم ونسيت نفسى واعدت اعوم وفجاءه بصيت ورايا ما شفتش الشط فلت لنفسى طب هتعمل ايه ياواد دلوقتى

ما فيش حل الا انى اعوم وزى ما تيجى ودانتنى اعوم لغايه لما تعبت وبصيت لاقيت جزيره ظهرت ليا من بعيد قلت يافرج الله عمت لغايه لما وصلت لها لاقيت مكتوب عليها باليونانى اليونان طبعا مانا لبلب فى اليونانى برضه الناس اتلموا عليا وعرفونى من صورى اللى كانت المجلات والصحف اليونانيه نشراها عن بطولاتى ومسكوا فيا علشان اساعدهم فى تحرير جزيره كريت قلت يا واد ساعده غلابه واستنجدوا بيك افول ساهدتهم على اد ما قدرت والناس شكرونى ورشحونى لنيل جائزه نوبل فى العلوم والحساب والجغرافيا

وقعدت افكر وانا راجع بلدى فى ولاد خالتى اسمهات المهندز العدملن اللى قاعد يبنى بيوت من الرمل وكل ما الموج يهدها يجرى على امه ويقعد يعيط والتانى اخصائى المناخير قاعد يشم نشوق ويعطس ويقول لازم الاقى حل واعرف السبب فى العطس اللى مش عايز يسيبنى ده والثالث عمال يعد الدبان وعامل فيها محاسب والرابع تاجر شنطه عمال يوزع برشام صراصير على خلق الله ويدمر صحتهم شوفوا انا فى ايه وهمه فى ايه

والى اللقاء فى الحلقه القادمه

أحب أذكر الأخ المحترم كاتب الموضوع
أنى على ثابت على مبدئى ومنتظر أشوف أخرت اللت والعجن ده أيه
وبرضوا من باب التذكرة والتبية
أحب أذكر العضو المحترم أسامة أنه فى هذه الحقبة من الزمان
أظن والله وكيل ان عمرك بالصلاتو على النبى كان وصل خمشتاشر شتاشر سنه
وطبعاَ معاليك نسيت تذكر أنك فى الوقت ده عملت نصبة فول وطعمية أمام بيتكوا فى أنشاص عند محطة القطر
طبعا ولتميزك الشديد وعبقريتك فى فنون توقيع الزباين كنت بتحط شوية بطاطس شيبسى هدية مع
كل قرطاس طعمية......
لو كان معاليك ناسى ممكن أفكر سعادتك
وكفاية كده النهاردة وأكمل فى حلقة تانيه
أصل قاعد ومستنيك أنت بالذات يا بتاع بابا الباشا
الله يرحم الترنج الأزرق

المراقب العام عدد المساهمات : 479

والله ضحكتنى وغلبت ابو لمعة قال ايه بابا الباشا محمد على باشا
والواد عويم قوى وشاف اللوحة بالبحر وسبع لغات ده انت اخرك كتاب سيدنا الشيخ سيد ابو سند وبعدين لازم ابن خالتك الاستاذ الدكتور ده اكيد بيعطس من ريحة شمها لما بتزوره وهما العباقرة كدة والمهندس ده
بيعمل ابحاث بالرمل وينقيه رملة رملة علشان المبانى تبقى قويه ربنا يعمر بيته والمحاسب هتعرف دوره لما تقع بالضرائب ياحلو و يجعله عامر ,والاستاذ تاجر الشنطة ده لولاه مكنتش الصيدلية بتاعتك ولا العيانين كتروا ومكنتش استرزقت ياحلو وبانتظار اخرة حكايتك ياوردة [/b]

» حكايتى مع الزمن
» الحلقه الثالثه من حكايتى مع الزمن
» الحلقه الثانيه من حكايتى مع الزمن
» الحلقغ الخامسه والاخيره من حكايتى مع الزمن