مواقف مضحكه ومواقف محرجه ..مرت بينا

السلام عليكم
الحياه مليانه مواقف فيها
المضحك وفيها المٌحرج
ايه رأيكم لو كل واحد شارك بحكايه مرت بيه بجد
وانا طبعا حبتدى بموقف محرج لواحد معرفوش بيقول فيه
موقف محرج
كنت برسم كاريكاتير فى المدرسه وكنا بنعمل مجلات وكنت انا
اللى برسم المجلات دى فى اعدادى كسبت اول محافظة القاهرة
فى رسم ليه المهم بقى عندى فريق عمل يعنى اللى يلون
واللى يحدد الرسم واللى يكتب تحت الرسم كده يعنى كنا بنخلع بعض من الحصص وخلاص
يوم تسليم الجوائز كنت فى الطابور واقف مع اصحابى
بيهنونى ويقولوا ليا رفعت رسنا وعملين فرح فى الطابور وبيقولو للفصول اللى جنبهم هو ده صاحب الرسم وعيشه بقى.....
ابتدى المدير ينادى على الاسامى
اول اسم مش انا قلنا التانى برضه مش انا قلنا يبقى الاخير
زى المخرج يعنى لحد مخلص كل الاسامى إلاأنا وسلمهم الجوايز وخلى المدرسه تسقف ليهم وانا صاحب الرسم واقف
واصحابى شغلين ايه ياعم انته فين
قمت بكل صوتى طلعت من الطابور واندفعت وقلت انا فييييييييييييييييييييييييييييين
لاقيت المدرسه كلها بتبوص عليا كنت محرج كدا
قالى المدير انته فى المدرسه يابنى انته تايه ولا ايه
لاقيت المدرسه كلها بتضحك عليا
وندانى طبعا انته عايز ايه قلت انا صاحب الرسم ده
قالى اسمك ايه قلت عمر قالى اسمك مش هنا وراح طبعا
ضربنى عصيتين على الماشى فى نص الطابور
كنت حموت من كتر الاحراج
وطبعا اسمى مكنش موجود لانى المٌدرسه سئلت الطلاب وقالت اللى شارك يكتب اسمه متخيلتش انى اسمى حيتنسى
موقف عمرى منساه ابدا