المصرى وبس

المراقب العام عدد المساهمات : 479

[center]

كيف تعرف المصري؟

المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

--------------------------------------------------------------------------------

موضوع: رد: المصرى وبس السبت فبراير 28, 2009 6:04 am

أنا حاسس أنك بتتكلم عليا
نفس اللى بتقول عليه هو اللى بعملوه
بالرغم من أنى مصرى
أنا قولت العضو ده مش هيجبها لبر وحاططنى فى دماغة
هو ده الحقد بعينه
وهقولها فى وشك وبعلو صوتى وبكل إعتزاز
أنا مصرررررررررررررررررررررررررررررى
مصر مصر مصرمصر مصر مصر مصر مصر
مصر مصر مصرمصر مصر مصر
مصر مصر مصرمصر
مصر

تحيــــــــــــــــــــــــــــــــــــــــــــــــــــــــــــــــــــــــــا مصر ده قصر ديل يا أزعر

موضوع: رد: المصرى وبس السبت فبراير 28, 2009 9:03 pm

البرنس كتب:: أنا مصرررررررررررررررررررررررررررررى

من نانسي لها طعم تاني

» «المصرى اليوم» ترصد: ٤ ماكينات عملاقة تواصل العمل فى «الجدار الفولاذى».. وأهالى غزة يهددون بتفجيره