ان كنت حبيبي سلفني

المراقب العام عدد المساهمات : 479

إن كنت حبيبى سلفنى ----- فأنا ع الجنط
أمى رفضت تدينى ----- وكذلك طنط
إن كنت حبيبى ساعدنى ----- فأنا مزنوق
والديانة وقفوا لى ----- زى الخازوق
اشتقت إليك فسلفنى ----- سيجارة ولو"كنت"
تلاقينى هبشت الأكل ----- وياريتنى سمنت؟!
إن كنت حبيبى ساعدنى ----- كى أرحل عنك
ولتخلص منى اكتب لى ----- شيك عل البنك
يا من صورت لى الدنيا ----- كالبنك الأهلى
خليتنى بعتُ عيالى ----- وجعلتك أهلى
اشتقت إليك فعلمنى ----- ألا أشتاق
وادفع لى ديونى ----- للبقال وللحلاق
إن كنت حبيبى سلفنى ----- بدون قيد ولاشرط
فأنا فلسان وشوية أنشال ----- وشوية أنحط
وقريباًجدا أرهن قمصانى ----- وابقى ملط!

يا اخي عيب عليك الكلام ده
ده انت راجل تعرف ربنا
وفيه حديث بيقول ان الله يحب ان يرى اثر نعمته على عبده
والاية بتقول فاما بنعمة ربك فحدث
يا ساتر للدرجة دي خايف من الحسد؟؟
عموما لو لقيت حد يسلفك ياريت تبعته ليا اصل انا خلاص نزلت تحت الجنت

ahmedsaad498 كتب:: يا اخي عيب عليك الكلام ده
ده انت راجل تعرف ربنا
وفيه حديث بيقول ان الله يحب ان يرى اثر نعمته على عبده
والاية بتقول فاما بنعمة ربك فحدث
يا ساتر للدرجة دي خايف من الحسد؟؟
عموما لو لقيت حد يسلفك ياريت تبعته ليا اصل انا خلاص نزلت تحت الجنت

يا أخى والله أنا ما عارف العيب على مين بالضبط
لما أنتو اللتنين شغاليييييييييييين بالسعودية بقألكوا عمر من الزمان لأخر قطرة من البترول
وقعدين تشتكوا الفقر والحاجة أمال أحنا الغلابة نعمل أيه
وبعدين الأخ واضع الموضوع اللى بيحلق شٌكك وبيستلف حق السيجارة ده كداب أوى لعدة أسباب
لأنه (وطبعاً أنا متابعه كويس) كان عارض فلته للبيع .. يعنى فلل وعربيات ....ألخ
وبعدين لو لاحظتوا فى كلامة بيقولك أنه قرب يرهن قمصانه... ياراجل حتى كمان عندك قمصان وبتدعى الفقر!! .. ؟
روح روح يا أخى أتقوا الله .... حرام هتخلةا الناس الغلابة تولع فى نفسها من القهر لما يسمعوا على اللى عندكوا
.
.
وبعدين خد هنا تعال يا أخ ياللى معلق على الموضوع أنت كمان مفلس وقال أية تحت الجنت
يا راجل حرام عليك وفين أرصدة البنوك وفين الصيدليات وفين الأراضى وفين الشقق وفين القمصان والفانلات وفين وفين وفين وفين ... حد يسكتنى علشان أنا معبى من امثالكم
أنا نصيحتى ليك بدل ما تبستف الأخ واضع الموضوع وتقوله مواعظ وحكم
نصيحتى ليك ... أبدأ بنفسك
.
.
شيزوفرينا واضحة

» كل يوم وانت حبيبي
» بعد غياب حبيبي
» يا حبيبي ............................يا رسول الله ! لماذا أصلي عليك ؟