قرطسونى ولاد ال......

المراقب العام عدد المساهمات : 479

سائق تاكسي شاب يسير فى الشارع بسيارته ليلاً
السائق تعود يومياً أن ينهى عملة بمنتصف الليل تقريباً
ويشترى بكل دخله قطعة من المخدرات ليشارك بها بالسهر مجموعة من أصدقاءه
ولكنه هذه الليلة يعانى من قله الزبائن الذين يعطون بسخاء
مر الليل دون ان يحقق العائد الذى يحقق له مايريد
وقرب الفجر كان يدخن سيجارة عادية ويستمع بصوت مرتفع لكاسيت السيارة
للمطرب الشعبى المعروف شعبان عبد الرحيم
وفجأة يجد شيخ مسن يشاور
له شعرأبيض ولحية بيضاء ويلبس جلباب ناصع البياض
السائق قال لنفسه : اكيد ده رايح يصلى الفجر ومش هيختلف معاى بالأجرة
وبالفعل طلب الشيخ المسن من السائق أن يقله إلى مسجد بأحد ضواحى القاهرة الهادئة
فأوقف السائق الكاسيت وحوله إلى موجه إذاعة القرآن الكريم
طمعاً فى التودد للشيخ لزيادة الأجر
وبالطريق كان الشيخ يخبر السائق كيف يسير
بأن يتجه لليمين ثم اليسار ثم أدخل من هذا الشارع ثم الذى يليه وهكذا
وقبل ان يصل إلى المسجد رأى السائق سيدة فى الطريق تطلب منه ان يقلها
وكانت السيدة تردتى ملابس سهرة خليعة يمكن لمن يراها الأعتقاد بأنها تعمل راقصة
استأذن السائق من الشيخ قبل ان يقف للسيده وقال له :
ست بالشارع بالوقت ده يا عم الشيخ
ممكن يتعرض لها ولاد الحرام ناخدها نوصلها وناخد فيها ثواب
فأخبره الشيخ بموافقته
فقال فى نفسه : كده يبقى تمام أوصل الزبونين وأروح أكمل السهرة مع شلة الأنس
ويمكن أكمل السهرة مع الست
فتوقف السائق للسيدة وعندما ركبت قال لها :
هوصلك بس معلش هوصل عم الحاج الاول مشوار قريب ونروح لطريقنا على طول
فاستغربت السيدة وقالت له : فين عم الحاج ده يا عنيه
فقال لها السائق باستغراب : ماهو قاعد جنبى اهه
قفالت له : مفيش حد جنبك يا اسطى انت مالك اتجننت ولا شارب حاجه
فجن السائق وقال : ماهو قاعد جنبى اهه !!!!!
هنا تكلم الشيخ المسن و اقترب من السائق وقال له :
محدش سامعنى ولا شايفنى غيرك انا عزرائيل
وجاى اقبض روحك وانت أمامك دقائق قليلة واقبض روحك
الحق صلي لك ركعتين الفجر قبل ما تقابل وجه الكريم
هنا جن جنون السائق ونزل من السيارة مسرعاً بحثاً عن ماء ليتوضأ
وانطلق لصلاه الفجر وهو يصيح ويقول : أستغفر الله العظيم
..........
أشهد أن لا إله إلا الله وأن محمد رسول الله
بكى أثناء صلاته بكاء الأطفال ومر شريط ذكرياته أمامه فى لمح البصر
ندم على ما قدمه فى حياته وأخذ يصلى ويصلى ولم ينقطع عن الصلاة
إلا عندما نبه أحد المصليين بأن الصلاة بعد الفجر غير محببه فخرج من المسجد
وعندما عاد ............... كانت المفاجأه

لا يوجد شيخ مسن او سيدة راقصة او سيارة
لقد كانت عصابه وسرقت سيارة السائق !!!!!!
سرقت تحويشه العمر وبها شريط شعبان عبد الرحيم

والقصة حقيقية سردتها لكم بشكل درامى ساخر
ولا أجد ما أقوله سوى
شر البلية ما يضحك
ولكن ترى ماذا فعل السائق بعد ذلك ؟؟!!!!!
هل أستمر فى التقرب إلى الله ؟؟!!!!
أم فقد عقله ؟؟

بصراحة كدة السائق ده يستاهل اللى جراله
علشان نيتة كانت سوووو
بس مش عارف عزرائيل اللى ركب مع السائق كان هيعمل أيه لو السائق مطمعش وركب الست المدندشة
أظن أن السائق لابد أن يستمر فى التوبة والصلاة ويحمد ربنا كتيييييييييير
علشان عزرائيل لهف التاكسى وما لهفش روحه

يعني انت عاوز تفهمني ان الراجل ساب العربية مفتوحة ونزل؟
دي اكيد طبعا قصة متفبركة
لان اي سواق بيقفل العربية ويتمم عليها قبل ما ينزل منها حتى لو رايح يصلي
وبعدين كان لازم ياخد عزرائيل يصلي معاه مش يسيبه مع الست في العربية وتالتهم الشيطان!!

ahmedsaad498 كتب:: يعني انت عاوز تفهمني ان الراجل ساب العربية مفتوحة ونزل؟
دي اكيد طبعا قصة متفبركة
لان اي سواق بيقفل العربية ويتمم عليها قبل ما ينزل منها حتى لو رايح يصلي
وبعدين كان لازم ياخد عزرائيل يصلي معاه مش يسيبه مع الست في العربية وتالتهم الشيطان!!

مفتوحة أيه ومقفولة اية
الراجل بيقولك أن عزرائيل قالة أمامك دقائق معدودة تلحق تتوب فيهم
قوم جنابك عايزه يضيعهم فى قفل أبواب العربية
عجيبة ....مع مصمصة للشفايف
أصحاب العقول فى راحة
.
.
بالرغم من انك قرأت عن المغرز اللى وقع فيه السائق إنما انا متأكد أنه لو عزرائيل حب يكرر المغرز ده معاك
أكيد برضة أنت هتشربة بالراحة
.
.
وبعدين أنا نفسى أفهم سعادتك بتقول أن السائق ساب عزرائيل مع الست وتالتهم الشيطان
هوه الأخ مقراش الموضوع
الست مش شايفة عزرائيل...مش شايفاه
يبقى الشيطان هيهبب أيه

أنت فين يا أحمد يا سعد
عاوز اشوف ردك يافقيق
هههههههههههه

علي فكرررررره القصه دي فيها حته كده من فيلم علي جنب يا اسطي صح ولالالالالالالالا