ساحكي لكم قصه حدثت لي
طبعا انتم ماتعرفوش اني باعشق البحر والسباحه وفي يوم منالايام ركبت مركب ونزلت البحر وقعدت اجدف لغايه لما بقيت في نص البحر وكانت الدنيا هاديه والبحر ساكن اوم ايه قلت لنفسي انزل يا واد خد لك غطس رحت سايب المركب ونازل بهدومي في البحر واخدت معايا الفوطه علشان ابقي انشف بيها وبعد لما استحميت وطلعت من الميه الدنيا قلبت برد رحت خالع لوح خشب من المركب وضربت ايدي في جيبي وطلعت علبه الكبريت ورحت مولع عود في الخشب وقعدت اتدفي وبعد شويه حسيت اني جعان رحت مادد ايدي في البحر وطلهت ييجي 4 كيلو سمك من كل الانواع وجلست اشوي فيه واكل وطبعا السمك كان مش محتاج ملح ماخو طالع من البحر وبعد شويخ حسيت اني عطشان وماكانش معايا ميه اوم فكرت اعمل ايه رحت جبت طبق كبير ومليته ميه منالبحر وحطيته علي النار لغايه لما غلي وبقي بخار وطلع في السما وعمل سحاب كتير وهب واشتغل المطر لغيه لما ملا المركب ميه فشربت لغايه لما شبعت وبعدين رحت شايل المركب وفضيته من الميه وطبعا كنت شايل الولعه علي ايدي علشان ما تقعش في الميه حكم انا لازم اعمل حساب كل حاجه وشويه والليل دخل عليا بصيت حواليا ماشفتش حاجه فقلت ياواد هترجع ازاي في الضلمه وطبعا انا كنت عامل حسابي رحت مطلع شمعه من جيبي ورحت مولعها خلت البحر حواليا ضهر ورحت راجع علي الشط بعد ما قضيت يوم من احلي الايام
موضوع: من مغامراتي 
الأربعاء ديسمبر 02, 2009 2:36 am
