السلام عليكم اعود اليكم اليوم بهذه الجكايه الجديده الا وهى حكايتى مع الزمن
انا اولا نويت ان اكون صادق فى كل ما اقوله لكم من اول النهارده
طبعاانتم ما تعرفوش ان بابا اتجوز ماما وكان فرح كبير حضره جدى حسين باشا وستى ناظله هانم
وطبعا انا كنت ساعتها لسه متولدتش المهم انا فى سنه 1966 اتولدت ومش عايز احلف ان يوم مولدى كان من اجمل الايام رغم انى ماكنتش عايز انزل من بطن امى تصوروا انى كنت فى بطن امى لا اكل الا العيش الفينو والجاتوه لدرجه انى نزلت وانا فى اىدى ساندويتش جبنه رومى وعلبه كانز
واول ما شافتنى خالتى اسمهان كانت الدنيا مش سايعاها
على فكره انا لى اربع خالات اسمهان ودى 4 بنات ان متجوز واحده فيهم واربع اولاد واحد مهندز شعره طار ومخه لسع لانه بيقول انا اللى بنيت الهرم والتانى ماجستير فى المناخير وبيحضر دكتوراه فى علم النشوق والتالت ماسك حسابات طابونه عيش والقاشيه معاه معدن والرابع على الله شفتم النسب اللى يشرف
المهم خالتى الثانيه اسمها ديانا اصل ستى خضره كانت غاويه تتفرج على افلام امريكانى وخالتى صافيناز ودى باه تسميه جدى ابو دومه
واخر خاله لى خالتى مياده ودى كانت تسميه العبد الفقير لله
وعموما انا هاكمل لكم حكايتى مع الزمان بكره
والى اللقاء
موضوع: حكايتى مع الزمن 
الجمعة يناير 01, 2010 1:42 am
